Charta qua Eldebertus dat monasterio Cluniacensi mansum et campum in villa Crodes et in Nantod.
In nomine summi Dei, notum sit cunctis fidelibus, quod ego Eldebertus dono Deo et sanctis apostolis Petro et Paulo et monachis de Cluniaco unum mansum de mea hereditate, cum omnibus que ad ipsum aspicere videntur, quesitum et inquirendum. Est autem mansum situm in pago Matisconense, in villa vocabulo Crodes. Dono etiam unum campum in eodem episcopatu, situm in locum quem vocant Nantod, qui terminat a duabus partibus rivo currente, a medio die via publica, a sero foreste de Manso.
(Au dos:) Eldeberti in Crodes, in pago Matisconensi.